कैलारीमा ४ दिने योग शिविर सञ्चालन

धनगढी । कैलारी गाउँपालिकामा ४ दिने योग शिविर सञ्चालन भएको छ । कैलारी गाउँपालिका हसुलिया आयुर्वेद शाखाको आयोजनामा सञ्चालन भएको योग शिविर दैनिक दुई घण्टा सञ्चालन गरिने छ ।

कैलारी गाउँपालिका–७ स्थित राष्ट्रिय निमावि वसन्तामा योगशिविर सञ्चालन भएको हो । कार्यक्रम उदघाटन तथा अध्यक्षता  कैलारी गाउँपालिका–७ का वडाअध्यक्ष कमलप्रसाद चौधरीले गरेका थिए । कार्यक्रम संचालन हसुलिया आयुर्वेद औषधालयका प्रमुख सुभाष शाहले गरेका थिए ।

कार्यक्रममा योग प्रशिक्षक वेद प्रकास चौधरी ले योग सिकाएका थिए । कार्यक्रममा ७ नं. वडा कार्यालयका सचिव गणेश राम चौधरी, हसुलिया आयुर्वेद औषधालयका वरिष्ठ वैद्य चन्द्र बहादुर तारामी मगर तथा अन्य कर्मचरीको उपस्थिती रहेको थियो । कार्यक्रममा योग, ध्यान, सुर्यनमस्कार, प्रणायाम आदीको अभ्यास गराइने छ ।