रिकोभरद्वारा गौरिफण्टा स्वास्थ्य वीटमा करिव तीन लाख बराबरको सहयोग

धनगढी । कोभिड–१९ बाट प्रभावित समुदायका लागि पुर्नउत्थान परियोजना (रिकोभर) ले गौरिाफन्टा नाका स्थित स्वास्थ्य विटलाई करिव तीन लाख बराबरको सहयोग गरेको छ ।

पुनर्वास नगरपालिकाको सहयोगमा स्वास्थ्य वीटले माग गरे अनुसार दुई लाख ६५ हजार ६ सय ३९ रुपैंया बराबरको भौति सामाग्री हस्तान्तरण गरिएको रिकोभर परियोजनाका कैलाली संयोजक लक्ष्मण चौधरीले बताए । उनका अनुसार वितरण गरिएका सामाग्रीमा डेल कम्पनिको १ सेट ल्यापटप, स्याम्सुम ए७ का २ थान ट्याबसेट, १ थान स्टोप्लाईजर, १ थान कार्टेज, १ थान मल्टिप्लग, २ थान सिजी कम्पनिको टेबुल पंखा स्वास्थ्य वीटलाई हस्तान्तरण गरिएकोछ  ।

यसैगरी १ थान पानी शुद्धिकरण यन्त्र, २ थान डे«सिङ सेट, २ थान सेमिफोलोर बेड, २ थान पर्दा, १ सेट स्टिल दराज, ३ थान काठको टेबल र २ वटा स्टिलका कुर्चि समेत स्वास्थ्य विटलाई हस्तान्तरण गरिएको संयोजक चौधरीले बताए ।

हेल्थ डेस्कबाट केही सामाग्री माग भएको र सोही अनुसार पुनर्वास नगरपालिकाको सहकार्यमा रिकोभर परियोजनाले सहयोग गरेको संयोजक चौधरीले बताए । स्वास्थ्य विटमा कोभिड नियन्त्रण तथा स्वास्थ्य चेकजाँचमा सहजहोस् भन्ने उद्देश्यले काम गरिरहेको बताउँदै उनले सहयोग पछि वीट व्यवस्थापनमा केही सहजता हुने विश्वास व्यक्त गरे । सीमा नाकामा सञ्चालित स्वास्थ्य विटमा पनि सरसफाई कार्यक्रम सञ्चालन गर्ने गरेको परियोजनाले सुरक्षा भवन निर्माण गरिरहेको छ ।

रिकोभरले कैलालीको धनगढी उप–महानगरपालिका, गोदावरी नगरपालिका र कैलारी गाउँपालिकामा स्वास्थ्य र जीविकोपार्जनका क्षेत्रमा काम गरिएको छ । जस अन्तरगत कोभिड–१९ बाट प्रभावित ६ सय जना विपन्न नागरिकको निशुल्क स्वास्थ्य वीमा गरिएको छ । ४५ दिनका ५० जना भन्दा बढी सुत्केरी महिलालाई सोही परियोजना अन्तरगतको न्यानो माया कार्यक्रम मार्फत खाद्य, पोषण, लत्ताकपडा तथा सरसफाई सामाग्री वितरण गरिएको संयोजक चौधरीले बताए ।

जीविकोपार्जन तर्फ कृषिमा कैलालीका ९ सय किसानलाई वीउ वितरण गरिएको छ भने, कोभिड–१९ का कारण वेराज्गार भएका एक सय २० जना नागरिकलाई आय आर्जनमा सहयोग गरिएको चौधरीले बताए ।

सहयोग सामाग्री बुझ्दै पुनर्वास नगरपालिका–११ का वडा अध्यक्ष तुलक्षि अर्यालले सहयोग पछि स्वास्थ्यकर्मीलाई काम गर्न सहज हुने बताए । सहयोग सामाग्री स्वास्थ्य विटमा आवश्यकता अनुसार प्रयोग गरिने बताए ।

स्वास्थ्य विटलाई सरकारी स्तरबाट प्रयाप्त सामाग्री प्रदान गर्न नसिएका वेला रिकोभरले गरेको सहयोग धेरै उपयोगी हुने उनले बताए । स्वास्थ्य क्षत्रमा वेसले धेरै सहयोग गरेको बताउँदै उनले आगामी दिनमा पनि सहयोगको अपेक्षा गरिएको बताए ।

तत्कालका लागि भौतिक संरचनाको धेरै समस्या भएको उनले बताए । त्यसका लागि प्रक्रिया सुरु गरिएको उनले बताए ।