सामुदायिक सेवा केन्द्रको अध्यक्षमा पुनः पाण्डे

धनगढी । सामुदायिक प्रहरी सेवा केन्द्रको अध्यक्षमा जनकराज पाण्डे पुनः अध्यक्ष चयन भएका छन् । आइतबार सम्पन्न सेवा केन्द्रको १९ औं अधिवेसनले पाण्डेको अध्यक्षतमा रहेको कार्यसमितिलाई निरन्तरता दिएका हो ।

साधारण सभाबाट उपाध्यक्षमा कुबेरबहादुर शाही, सचिवमा भिमबहादुर चौधरी र कोषाध्यक्षमा लोकेन्द्र भट्ट पुनः निर्विरोध निर्वाचित भएका हुन् । सहसचिवमा अर्जुनबहादुर खड्का निर्वाचित भएका छन् भने सदस्यमा धनबहादुर शाही, छेदालाल चौधरी, दत्तुराम पाण्डे, रञ्जना शाही, दिनेश प्रकाश चटौत र बहादुर सिंह कार्की निर्विरोध निर्वाचित भएका छन् ।

संस्थाको पहिलो बैठकले बिरेन्द्रबहादुर शाही, सुनिराम चौधरी, प्रकाशबहादुर सिंह र महेशकुमार सिंहलाई सदस्यमा मनोनित गरेको छ । बि.स. २०५७ सालमा स्थापना भएको सामुदायिक प्रहरी सेवा केन्द्र हसनपुरमा ३१४ जना आजिवन सदस्य रहेका छन् ।