ट्याक्टर दुर्घटना हुँदा डोटीमा एक जनाको मृत्यु

धनगढी । डोटीमा इँटा बोकेको ट्याक्टर पल्टिँदा एक जनाको मृत्यु भएको छ । आइतबार बेलुकी जिल्लाको दीपायल सिलगढी नगरपालिका–५ स्थित भित्रि सडकखण्डमा से२त ९१०६ नम्बरको इँटा बोकेको ट्याक्टर दुर्घटना भएको प्रहरीले जनाएको छ ।

दुर्घटनामा ट्याक्टरमा सवार आदर्श गाउँपालिका–३ का अन्दाजी २१ वर्षीय केशव विकको मृत्यु भएको प्रहरीले जनाएको छ । गम्भीर घाइते भएका विकलाई जिल्ला अस्पताल डोटीमा उपचार सम्भव नभएपछि डडेल्धुरा अस्पताल रिफर गरिएको थियो । उनको डडेल्धुरा अस्पतालमा उपचारका क्रममा मृत्यु भएको प्रदेश ट्राफिक प्रहरी कार्यालय अत्तरियाले जनाएको छ ।

त्यस्तै, दुर्घटनामा चालक कैलालीको गोदावरी नगरपालिका–८ का ३८ वर्षीय कृष्ण कामी र ट्याक्टरमा सवार दीपायल सिलगढी–५ कै १९ वर्षीय बालाजी कोली सामान्य घाइते भएका बताइएको छ । कच्ची सडक र खराब बाटोका कारण ट्याक्टर पल्टिएको हुनसक्ने प्रहरीको अनुमान छ ।