पुर्पक्षम रहेका कैदीको उपचारका क्रममा मृत्यु

धनगढी । लागु औषध ओसारपसारको मुद्धामा पुर्पक्षका लागि जिल्ला कारागार धनगढीमाको थुनामा राखिएका अभियुक्तको मृत्यु भएको छ । मृत्यु हुनेमा जिल्लाको घोडाघोडी नगरपालिका–३ का श्याम थापामगर रहेका छन् ।

अभियुक्त थापाको स्वास्थयमा समस्या देखिएपछि उपचारका लागि सेती अस्पताल लगिएको थियो । उपचारका क्रममा उनको मृत्यु भएको जिल्ला प्रहरी कार्यालय कैलालीले जनाएको छ ।

फोक्सोमा समस्या देखिएपछि उनलाई ३ दिनअघि अस्पतालमा भर्ना गरिएको थियो । ३ महिनादेखि बिरामी रहेका थापामगरको शुक्रबार राति आइसियूमा मृत्यु भएको जिल्ला प्रहरी कार्यालय कैलालीका प्रवक्ता डिएसपी वेदप्रकाश जोशीले बताए । लागुऔषध प्रयोगकर्ता तथा कारोबारी रहेका श्याम थापामगरलाई जिल्ला अदालत कैलालीले ६ महिना अघि पुर्पक्षका लागि थुनामा राख्ने आदेश दिएको थियो ।