रिकभर परियोजनाद्धारा कैलारी गाउँपालिकालाई ४० हजार मास्क सहयोग

धनगढी । कोभिड १९ बाट प्रभावित समुदायहरुको लागि पुनरोत्थान परियोजना (रिकभर) परियोजनाले  कैलारी गाउँपालिकालाई  ४० हजार थान मास्क सहयोग गरेको छ ।

 लुथरन  वल्ड रिलिफको सहयोगमा  ब्याकवार्ड सोसाइटी एजुकेशन (बेस)  कैलालीले सँचालन गरिरहेको रिकभर परियोजना अन्तर्गत  ७२ हजार तीन शय २० रुपैयाँका मास्कहरु पालिकालाई हस्तान्तरण गरिएको हो ।

परियोजना संयोजक लक्ष्मण चौधरीले कैलारी गाउपालिकाका प्रमुख लाजुराम चौधरीलाई मास्क हस्तान्तरण गरेका हुन् ।

सो अवसरमा कैलारी गाउपालिकाका प्रमुख चौधरीले  सामाजिक सँस्थाहरुले गर्ने सहयोगले स्वास्थ्य क्षेत्रमा काम गर्न थप सहजता हुने गरेको बताए ।

 रिकभर परियोजना कैलालीका  कैलारी गाउँपालिका, धनगढी उपहानगरपालिका र गोदावरी नगरपालिकामा सँचालन भैरहेको छ । परियोजनाले कोभिड १९ बाट प्रभावित सीमान्तकृत समुदायको आर्थिक पुनरोत्थान र स्वास्थ्य सँस्थाहरुको सबलीकरणमा काम गरिरहेको छ ।