सुदूर चिनारीको ११औं वार्षिकोत्सवमा पद्मराज जोशी विशेषाङ्क लोकार्पण

धनगढी ।  सुदूर चिनारी पत्रिकाले ११औं वार्षिक उत्सव मनाएको छ । पत्रिकाका प्रकाशक÷ सम्पादक एन.के. जोशीले पत्रिकाले काली कर्णाली क्षेत्रको भाषा, कला, संस्कृति, प्रकृति र त्यस्ता क्षेत्रमा योगदान पुर्याउने ब्यक्तिको समेत चिनारी दिलाउदै आइरहेको बताए ।

पत्रिकाका सम्पादक यज्ञराज यात्रीको अध्यक्षतामा आयोजित कार्यक्रममा कार्यकारी सम्पादक निर्मल कुमार भण्डारीले गतिविधि र विशेषाङ्क प्रकाशनका सम्वन्धमा प्रकाश पारेका थिए  ।

वार्षिक उत्सवको अवसरमा पत्रिकाले सुदूरपश्मिमा जन्मीइ, हुर्किइ, यसै क्षेत्रलाई कर्मथलो बनाई यहाँको भाषा, साहित्य, कला, संस्कृति र धर्म दर्शनको क्षेत्रमा विशेष योगदान पुर्याउदै आइरहेका साहित्यकार, संस्कृतिविद पद्मराज जोशी ‘प्रभात’का विषयमा केन्द्रित रहि प्रकाशन गरेको आफ्नो ६० औ अंकको सहभागीहरुबाट सामुहिक रुपमा लोकार्पण समेत गरेको छ ।

सो अवसरमा साहित्यकार प्रिया पत्थरले बिशेषांक प्रकाशनले साहित्य र संस्कृतिको क्षेत्रमा लागेका व्यक्तिहरुको सम्मान भएकोे बताइन् ।  गोदावरी कुम्भ मेला आयोजानमा प्रभातको भुमिका महत्वपुर्ण रहेको बताउँदै पत्थरले बिशेषांक प्रकाशनले प्रतिभाहरुको मनोबल उच्च बनाउने बताइन् ।

साहित्यकार पद्मराज जोशी प्रभातले आफ्नै क्षेत्रका बारेमा योगदान पुरयाउन पाउँदा गौरव  अनुभुति हुने बताउँदै  बिशेषांक प्रकाशनले थप योगदान पुरयाउन हौसला बढाएका बताए ।  

कार्यक्रमको सहजिकरण उक्त पत्रिकाका सहसम्पादक लेखराज जोशीले गरेका थिए  ।