रिकभरद्धारा स्वास्थ्यकर्मीहरुका लागि मनोसामाजिक  परामर्श तालिम सम्पन्न

धनगढी  ।  बेस कैलालीको आयोजनामा धनगढी उपमहानगरपालिका र कैलारी गाउपालिकाका  स्वास्थ्यकर्मीहरुका लागि मनोसामाजिक परामर्श तालिम बिहीवार धनगढीमा सम्पन्न भएको छ ।

 कोभिड १९ बाट प्रभावित समुदायहरुको लागि पुनरोत्थान परियोजना (रिकभर) अन्तर्गत दुई दिन सँचालन भएको उक्त तालिममा  धनगढी उपमहानगरपालिका र कैलारी गाउँपालिकाका ३० स्वास्थ्यकर्मीहरुको सहभागिता रहेको थियो ।

 कोभिडका कारण समुदायमा परेको मनोसामाजिक  असर सम्बोधन गर्न स्वास्थ्यकर्मीहरुलाई सक्षम बनाउने उदेश्यले तालिम सँचालन गरिएको परियोजना संयोकज लक्ष्मण चौधरीले बताए । 

​​​​​​​

  समुदायकका सबै भन्दा नजीकका स्वास्थ्यकर्मी सरकारी स्वास्थ्य सँस्थाका कर्मचारी भएकाले स्वास्थ्यकर्मीहरुका लागि तालिम सँचालन गरिएको लुथरन वल्र्ड रिलिफकी  एएनएम अफिसर लक्ष्मी शाहीले बताइन् ।

 लुथरन वल्र्ड रिलिफको सहयोगमा बेस कैलालीले कोभिड १९ बाट प्रभावित समुदायहरुको लागि पुनरोत्थान परियोजना (रिकभर) कैलालीका धनगढी उपमहानगरपालिका, कैलारी गाउपालिका र गोदावरी नगरपालिकामा सँचालन गरिरहेको छ ।

  तालिमको समापनका अवसरमा धनगढी उपमहानगरपालिकाका स्वास्थ्य महाशाखा प्रमुख डा. कृष्ण बोहराले सिकेको सीपलाई समुदायको हितका लागि प्रयोग गर्नु स्वास्थ्यकर्मीको दायित्व भएको बताए ।

 आधारभुत स्वास्थ्य चौकी धनगढी चटकपुरकी इन्चार्ज जानुका कार्कीले स्थानीय समुदायको बिश्वासका कारण स्वास्थ्यर्मीहरु अति व्यस्त हुनु परेकोले आफ्नो  बारेमा  सोच्ने समय नै हुन नसकेको बताउँदै तालिमले आफ्ना र सेवाका लागि आउने ग्राहकका अप्ठेरा हटाउन सहज हुने बताइन् ।

धनगढी उपमहानगरपालिका र कैलारी गाउँपालिको समन्वयमा सँचालन गरिएको तालिममाख टीपीओ नेपालका सबिना महर्जन र कमला बुढाथोकीले   सहजीकरण गरेका थिए ।