नेपाल आर्मीले जित्यो राष्ट्रिय भलिबलको उपाधी

धनगढी । धनगढीमा सम्पन्न मुख्यमन्त्री कप राष्टिय भलिबल प्रतियोगिताको उपाधी त्रिभुवन आर्मी क्लबले जितेको छ । शनिबार भएको फाइनलमा नेपाल पुलिस क्लबलाई पराजित गर्दै आर्मीले उपाधि जितेको हो । उपाधिसंगै आर्मीले नगद चार लाखसहित ट्रफी र मेडल प्राप्त गरेको छ । उपविजेता बनेको पुलिसले दुई लाख नगद सहित ट्रफि र मेडल प्राप्त गरेको छ ।

फाइनलमा आर्मीले पुलिसलाई ३–१ को सेटले पराजित गरेको हो । पहिलो र दोस्रो सेट २५–२३ र २५–२० अंक स्कोरले जितेको आर्मीले तेस्रो सेट भने १८–२५ अंक मात्र जोडेर पराजित भएको थियो । चौथो सेट २५–२२ ले जित्दै आर्मीले उपाधिमाथि कब्जा जमाएको हो ।