लोकसेवाको बिज्ञापन नसच्याए आान्दोलन गर्ने चेतावनी

धनगढी । सुदुरपश्चिम लोकसेवा आयोगले आव्हान गरेको  बिज्ञापन सच्याउँदै थारु कोटा निर्धारण गर्न  थरुहट संघसंस्थताहरुले माग गरेका छन् । बिज्ञापन नसच्याइए अदालतमा जानेदेखि संघर्षका कार्यक्रम घोषणा गर्ने उनीहरुले बताएका छन् ।

“हामी सुदुरपश्चिम सरकारको थारु बिरोधी कदमलाई समयमै सच्याउन  र २१ प्रतिशत थारु कोटा निर्धारण गर्न अनुरोध गर्दछौं ।”  दुई राजनैतिक पार्टी र आठ संस्थाहरुले संयुक्त रुपमा निकालेको बिज्ञप्तिमा भनिएको छ “समयमै व्यवस्थापन नगरे अदालतको ढोका ढकढक्याउन र त्यसबाट न्याय नपाए कडा भन्दा कडा आन्दोलन गर्ने व्यहोरा जानकारी गराउन चाहन्छौं ।”

 सुदुरपश्चिम प्रदेश लोकसेवा आयोगले यही चैत ९ गते प्रकाशन गरेको बन रक्षक पदको बिज्ञापनमा थारु समुदायलाई कोटा नछुटयाइएको भन्दै उनीहरुले आपत्ति जनाएका हुन् ।

लोकसेवाले  निकालेको १ शय ६७  पदको बिज्ञापनमा मधेशीलाई १७ र आदिवासी जनजातिलायई २० कोटा छुट्याइएको छ ।

सुदुरपश्चिममा थारु समुदायको जनसँख्याका आधारमा थारुलाई कोटा छुट्याइनु पर्ने उनीहरुको माग छ । थरुहट थारुवान संघर्ष समितिका सयोजक लक्ष्मण चौधरीले पहिचानको लडाइमा अहिलेसम्म आफुहरु लागेको बताउँदै अयाृगले बिज्ञापनमा थारुको पहिचान नस्वीकारेको बताए । “सुदुरपश्चिममा रहेको थारुका लागि कोटा छुट्याइएको छैन  । तर अत्यन्तै न्युन मात्रामा भएको मधेशीका  लागि कोटा छुट्याइएको छ ।” लक्ष्मणले भने ” यसले संविधनले गरेका समानुपातिक सहभागिताको  ग्यारेन्टीलाई उल्लंघन गरेको छ ।”

   थारु पहिचानलाई नस्वीकारेर उत्तेजित बनाउने काम नर्गा आग्रह गर्दै लक्ष्मणले समयमै यसलाई नसच्याए आन्दोलन अघि बढाउने बताए ।

 थारु कल्याणकारिणी सभा कैलालीका सभापति लाहुराम चौधरीले  कहिले मधेशी, कहिले आदिवासी देखाएर थारु समुदायलाई पेन्डुलम बनाउने काम भैरहेको उल्ल्ेख गर्दै भने ”सबै बर्ग, समुदाय र जातिलाई सरकारमा सहभागी नगराएसम्म अपनत्वको भावना जागृति हुँदैन ।”

 थारु कल्याणकारिणी सभाका केन्द्रिय सदस्य प्रभात चौधरीले थारु पहिचानलाई स्वीकार्ने सरकारले सहमति गरेर पनि अहिलेसम्म कार्यान्वयन नगरेको बताए ।

थारु कल्ण्याणकारिणी सभा कैलालीका उपाध्यक्ष माधव चौधरीले बिज्ञापनलाई समयमै नसच्याइए आन्दोलन अघि बढ्ने बताए ।  

 थारु कल्याणकारिणी सभा कैलाली, कन्चनपुर, नेपाल राना थारु समाज कैलाली र कन्चनपुर, थारु नागरिक समाज, थारु बिद्यार्थी समाज, थारु महिला सँघ, थरुहाट थारुवान राष्टिय मोर्चा कैलाली, जनता समाजवादी पार्टी कैलाली र नेपाल लोकतान्त्रिक पार्टी  कैलालीले संयुक्त बिज्ञप्ति प्रकाशित गरेका हुन्  ।