हिमशिखरद्वारा बक्तृत्वकला आयोजना

धनगढी । हिमशिखर बहु–उदेश्यीय सहकारी संस्थाले वक्तृत्वकला प्रतियोगिता आयोजना गरेको छ । ६५ औँ सहकारी दिवसको अवसर पारेर हिमशिखरले ‘आर्थिक समृद्धिमा सहकारीको भूमिका’ विषयक माध्यमिक विद्यालय स्तरीय वक्तृत्वकला प्रतियोगिता आयोजना गरेको हो ।

  आईतबार धनगढी उपमहानगरपालिकाका २० विद्यालयहरुको सहभागितामा प्रतियोगिता सम्पन्न भएको हो । प्रतियोगितामा धनगढीको ग्यालेक्सी माध्यमिक विद्यालयमा अध्ययनरत जानवी जोशी प्रथम भएकी हुन् ।

यस्तै त्रिनगर माध्यामिक विद्यालयमा अध्ययनरत वमबहादुर विक द्वितिय, एरिष्टो इङलिस बोर्डिङ स्कूलमा अध्ययनरत अमिशा गिरी तृतीय र धनगढी नमुना माध्यमिक विद्यालयमा अध्ययनरत प्रविन चन्द सान्त्वना भएका हुन् ।

प्रतियोगितामा सहभागि हुनेलाई नगद र प्रमाणपत्र सहित पुरस्कृत गरिएको हो । प्रतियोगितामा प्रथम हुनेलाई १० हजार , द्वितीय हुनेलाई ७ हजार तृतीय हुनेलाई पाँच हजार र सान्त्वना हुनेलाई ३ हजार रुपैयाँ पुरस्कार दिईएको थियो ।

प्रतियोगिता हिमशिखर सहकारीका अध्यक्ष दुर्गा भण्डारीको अध्यक्षतामा भएको हो । प्रतियोगितामा जिल्ला सहकारी संघ कैलालीको अध्यक्ष फणिराज सापकोटा प्रमुख अथिति रहेका थिए । यस्तै राष्ट्रिय सहकारी बैंक धनगढी शाखा प्रमुख कृष्णबहादुर रावल पनि अथिति रहेका थिए । हिमशिखर सहकारीका प्रबन्धक महेन्द्र शाहीले स्वागत गरेको कार्यक्रममा सञ्चालन शिक्षा उपसमिति सदस्य सुवास भण्डारीले गरेका थिए ।