धनगढी–३ मा राप्रपाबाट युवा नेता भट्ट टिम सहति मैदानमा

धनगढी । राष्ट्रिय प्रजातन्त्र पार्टी (राप्रपा) बाट धनगढी–३ को वडा अध्यक्षमा युवा नेता लोकराज भट्टले उम्मेदवारी दिएका छन् । भट्टले वडाका लागि आफ्नो टिम सहति सोमबार मुख्य निर्वाचन अधिकृको कार्यालय धनगढीमा मनोनयन गराएका हुन् ।

लामो समय देखि सामाजिक काममा सक्रिय भट्ट सिर्जनशिल व्यक्तिका रुपमा परिचित छन् । विदेश जान भन्दा युवालाई आफ्नै क्षेत्रमा स्वरोज्गार गर्नु पर्छ  र त्यसका लागि सरकारले वातावरण बनाउनु पर्छ भन्दै भट्ट विगत देखिनै वकालत गर्दै आएका छन् । आफु वडा अध्यक्ष बने युवा वर्गलाई स्वरोज्गार बन्ने कार्यक्रम ल्याउने उनको दावी छ ।

राप्रपाबाट वडा अध्यक्षमा भट्ट संगै वडा सदस्यमा विस्ना चन्द्र, राधिका दमाई, लोकेन्द्र प्रसाद भट्ट र सुरज विष्टले उम्मेदवारी दर्ता गराएका छन् । आफ्नो टिममा सवै युवा समेटिएको भन्दै उनले समाज परिवर्तनका लागि युवा नेतृत्व आउनु आवश्यक रहेको बताए ।