स्वास्थ्य समस्याका कारण प्रचारमा आउन सकेन : शाह

धनगढी । नेपाली काँग्रेस सुदुरपश्चिम प्रदेश कार्यसमितिका महामन्त्री  नरनारायण शाह ‘मनु’ ले स्वास्थ्य समस्याका कारण चुनावी प्रचारमा सहभागी हुन नपाएको भन्दै  गठबन्धनका साझा उम्मेदवारलाई बिजयी गराउन आग्रह गरेका छन् ।

‘मेरो  स्वास्थ्यमा अचानक देखिएको समस्याका कारण म गत एक हप्तादेखि उपचारको क्रममा  भारतको हरियाणमा छु ।’ महामन्त्री  शाहले मेद्धान्त हस्पिटलबाट नै बुधबार जारी  गरेको बिज्ञप्तिमा भनेका छन् ‘उपचार प्रकृया छोट्याएर भए पनि छिट्टै घर फर्किएर जिल्लाका सबै पालिकामा गठबन्धनका साझा  उम्मेदवार   तथा वडा तहका काँग्रेसका समस्त प्रत्यासीहरुलाई बिजयी गराउन सम्पुर्ण क्षमताका साथ होमिने प्रतिबद्धता व्यक्त गर्दछु ।’

 २०७४ को निर्वाचनमा आफु नेपाली काँग्रेस कैलालीको सभापति हुदा आफ्नै पहलमा धनगढीको मेयर, उपमेयर र बहुमत वडामा  पार्टी बिजयी भएको उल्लेख गर्दै बिज्ञप्तिमा यसपटक पनि गठबन्धन र काँग्रेसका उम्मेदवारलाई बिजयी बनाउन शाहले आग्रह गरेका छन् ।