पूर्वीचौकीमा अध्यक्ष, उपाध्यक्ष सहित सवै वडामा कांग्रेस विजयी

धनगढी । डोटीको पूर्विचौकी गाउँपालिकामा कांग्रेसले अध्यक्ष, उपाध्यक्ष सहति सवै वडामा जीत हाशील गरेको छ । पुर्विचौकिमा कांग्रसले अध्यक्ष, उपाध्यक्षसहित सातवटै वडाध्यक्ष र सबै वडा सदस्य समेत जितेको छ ।

अध्यक्षमा कांग्रेस उम्मेदवार रामप्रसाद उपाध्यायले ५ हजार १३३ मत प्राप्त गरेर जीत हाशील गरेका छन् । निकटतम प्रतिद्वन्दि नेकपा एमालेका कृष्णकुमार खड्का २ हजार २०५ मत प्राप्त गरेर पराजीत भएका छन् । यस्तै उपाध्यक्षमा पनि कांग्रेसकी पशुपति खड्का ४ हजार ७२४ मत हासिल गरेर विजयी भइन् । उनका प्रतिद्वन्द्वी एमालेकी शारदाकुमारी साउँदले दुई हजार ४४४ मत प्राप्त गरिन् ।

वडाध्यक्षहरूमा कांग्रेसकै उम्मेदवारहरू १ नम्बर वडामा अंकबहादुर खड्का, २ नम्बरमा योगेन्द्रबहादुर ठकुल्ला, ३ नम्बरमा खड्कबहादुर धामी, ४ नम्बर वडामा बलबहादुर खड्का, ५ नम्बरमा खड्कबहादुर साउँद, ६ नम्बरमा पुष्पराज जोशी र ७ नम्बर वडामा प्रेमबहादुर खड्काको प्यानल विजयी भएको छ ।

यसअघि २०७४ को निर्वाचनमा यो पालिकामा कांग्रेस अध्यक्ष उम्मेदवार उपाध्याय एमालेका दीर्घराज बोगटीसँग पराजित भएका थिए । त्यतिबेला कांग्रेसले ५ वटा वडाध्यक्ष जित्दा पनि गाउँपालिका अध्यक्ष र उपाध्यक्ष हारेको थियो ।