जगन्नाथ गाउँपालिका अध्यक्षमा एमालेका शाही विजयी

धनगढी । बाजुराको जगन्नाथ गाउँपालिकाको अध्यक्षमा नेकपा एमालेका कालीबहादुर शाही विजयी भएका छन् । उनी २३१९ मत ल्याएर विजयी भएका हुन् ।

शाहीका प्रतिस्पर्धी नेपाली काँग्रेसका सुन्दर विष्टले १८७० मत ल्याए । शाही २०७४ को स्थानीय तह निर्वाचनमा पनि पालिका अध्यक्षमा निर्वाचित भएका थिए । उनले काँग्रेसका विष्टलाई दोस्रो पटक पराजित गरेका हुन् ।

पालिकामा काँग्रेस, माओवादी केन्द्र र एकीकृत समाजवादीले गठबन्धन गरेका थिए । उपाध्यक्षमा पनि एमालेकी मरुकला विष्ट बिजयी भएकी छिन् । उनी २१८३ मत ल्याएर विजयी भएकी हुन् । उनका प्रतिस्पर्धी गठबन्धनका तर्फबाट समाजवादीका धर्मबहादुर शाहीले १६८० मत ल्याए ।