बझाङको पहिरोमा पाँचौ शव भेटियो, पहिचान हुन बाँकी

 धनगढी,

   बझाङको केदारस्यू गाउँपालिका–८ मल्लेसीमा शुक्रबार राती गएको पहिरोमा पुरिएर हराएका मध्य थप १ जनाको शव फेला परेको छ । उनको शव पहिचान हुन भने बाँकी रहेको वडा अध्यक्ष गणेश बोहराले बताए । यो संगै पहिरोमा परेर मृत्यु हुनेको संख्या पाँच पुगेको छ ।

     यसअघि मृत फेला परेका ४ जनाहरुमा ४० वर्षीया राममती जेठारा, उनका १२ वर्षीया छोरा प्रयाग जेठारा, ८० वर्षीय दले जेठारा र १३ वर्षीया सन्तु जेठारा रहेका छन् । पहिरोमा परेर वेपत्ता भएका अन्य व्यक्तिको खोजि कार्य जारी रहेको वडा अध्यक्ष बोहराले बताए ।