एसओएस बालग्रामको स्थापना दिवस सम्पन्न

धनगढी । एसओएस बालग्राम धनगढीले एसओएस बालग्राम नेपालको ५० औं स्थापना दिवस तथा ३६ औं अन्तरराष्ट्रिय एसओएस दिवस मनाएको छ ।

सो अवसरमा धनगढी उपमहानगरपालिकाका मेयर गेपाल हमालले एसओएस बालग्राम  धनगढीको शान भएको बताए । मेयर हमालले   एसओएसलाई सुदुरपश्चिमका सबै पालिकाबाट सहयोग जुटाउन पहल गर्ने बताए ।

व्यवसायी ओम प्रकाश अग्रवालले बालबालिकाहरु शिक्षाबाट बन्चित हुन नहुने भन्दै आफ्ना दुई फर्मबाट एक लाख २ हजार सहयोग गर्ने बताए । राजश्री एग्रो इण्डष्ट्रिजबाट ५१ हजार र गोदावरी फलोर मिलबाट ५१ हजार  सहयोग गर्ने अग्रवालले घोषणा गरे ।

धनगढी उपमहमनगरपालिका वडा नम्बर १३ का अध्यक्ष बिजय जोशीले  एसओएसले पारिवापरक वातावरणमा बालबालिकाको हेरचाह गरिरहेकोले यसको बिकास आवश्यक रहेको बताए ।

गुरुकुल एकेडेमीकी प्रिन्सिपल सुनिता स्वार सुरीले एसओएसले बालबालिकाको हेरचाह र शिक्षामा स्वागतयोग्य काम गरेको बताइन् ।

एसओएस बालग्राम धनगढीका योजना निर्देशक पदम हमालले  पारिवारिक हेरचाहबाट बन्चित रहेका बालबालिकाहरुलाई माया, सम्मान र सुरक्षामा ख्याल गर्ने गरेको बताए ।  

कोभिडका कारण अन्तरराष्ट्रिय रुपमा आर्थिक सहयोग आउने क्रम  कम भएकोले स्थानीय स्तरमा सहयोग बढाउने जिम्मेवारी आएको हमालले बताए ।

एसओएसमा रहेका बालबालिकाहरुलाई सीप, शिक्षा र  संस्कारमा जोड दिने गरिएको बताउँदै हमालले कोभिडद्धपछि मनोपरामर्शको व्यवस्था गरिएको बताए ।

एसओएस बालग्रम धनगढीका सहायक निर्देशक रमेश चन्द्र भण्डारीले सँचालन गरेको उक्त कार्यक्रममा स्वागत मन्तव्य आमा प्रतिनिधि कल्पना कोइरालाले व्यक्त गरेकी थिइन् ।

सो अवसरमा बालग्रामका  बालबालिकाहरुले गीत र नृत्य प्रस्तुत गरेका थिए ।

एससओएस नेपालले  आमा बुवाको न्यानो काख गुमाएका र कमजोर आर्थिक अवस्थाका कारण पारिवारिक बिखण्डनको अवस्थामा रहेका तथा जीवनका आधारभुत आवश्यकताबाट पनि बन्चित हुन पुगेका बालबालिकाहरुको संरक्षण र संवद्र्धनको कार्य गर्दै आइरहेको छ । 

सन् १९४९ मा अष्ट्रियामा स्थापना भएको एसआएस बालग्रम नेपालमा सन् १९७२ मा स्थापना भएको हो ।

३ शय ६२ बालबालिका लाभान्वित

एसओएस बालग्रम धनगढीले ३ शय ६२ जना बालबालिकाहरुलाई पोषण, शिक्षा र स्वास्थ्य सहयोग गरिरहेको  छ । सन् २०१५ मा सँचालन भएको एसओएस धनगढीले परिवारमा आधारित हेरचाह अन्तर्गत १ शय ९ जना, पविार सबलीकरण कार्यक्रम मार्फत २ शय १५ जना बालबालिका र युवाग्राम अन्तर्गत ३८ जना युवाहरुलाई सेवा प्रदान गरिरहेको छ ।

एसओएस बालग्राम नेपालद्धारा सँचालित दशौं बालग्रमको रुपमा सन् २०१५ मा धनगढीमा एसओएस बालग्रामको स्थापना भएको थियो ।