आयुर्वेद अस्पतालको शिविरमा १ हजार ८ को स्वास्थ्य परिक्षण

धनगढी । प्रादेशिक आयुर्वेद चिकित्सासलयको निशुल्क स्वास्थ्य शिविरमा १ हजार ८ जनाको स्वास्थ्य परिक्षण गरिएको छ

४ दिन सम्म सञ्चालन भएको शिविरमा ६ सय ५७ महिला, २ सय ९८ पुरुषको स्वास्थ्य परिक्षण गरिनुका साथै १ सय २८ जनाको ल्याव परिक्षण गरिएको प्रादेशिक आयुर्वेद चिकित्सालयका निमित्त निर्देशक डाक्टर खगेन्द्र बमले बताए ।

उनका अनुसार शिविर सञ्चालन भएको पहिलो दिन १ सय २० महिला र ४५ जना पुरुषको निशुल्क स्वास्थ्य परिक्षण गरिएको थियो भने ४६ जनाको ल्याव परिक्षण गरिएको थियो ।

तेसैगरी दोश्रो दिन १ सय ४५ महिला र ६४ पुरुषको स्वास्थ्य परिक्षण गरिनुका साथै ३७ जनाको ल्वाव परिक्षण गरिएको थियो ।

शिविरको तेश्रो दिन १ सय ९२ महिला र ९४ जना पुरुषको स्वास्थ्य परिक्षण गरिनुका साथै २१ जनाको ल्याव परिक्षण गरिएको थियो । शिविरको चौथोदिन १ सय ९१ महिला र ९५ पुरुषको स्वास्थ्य परिक्षण गरिनुका साथै २१ जनाको ल्याव परिक्षण गरिएको निमित्त निर्देशक बमले बताए ।

अस्पताल सञ्चालनका लागि सवै व्यवस्थापन भएको र त्यसबारेमा आम नागरिकलाई जानकारी दिन शिविर सञ्चालन गरिएको प्रँदेशिक आयुर्वेद चिकित्सालय व्यवस्थापन समितिका अध्यक्ष नरेश विष्टले बताए । ‘भवन तयार भईसकेको छ तर अस्पतालबारे आम नागरिकलाई जानकारी छैन,’ उनले भने, ‘शिविर सञ्चालन गरेपछि धेरै मानिसले जानकारी पाउने र बिस्तारै अस्पतालबाट सेवा लिन आउनेको संख्या बढ्ने अपेक्षा गरिएको छ ।’ उनले अस्पताल संचालनका लागि पहिलो चरणमा ओपीडि सेवा र ल्याव सेवा सञ्चालन गरिएको बताए ।

विरामीको चाप बढेपछि थप सेवा विस्तार गर्ने तयारी रहेको उनले बताए । ‘तत्कालका लागि ४ दिनको स्वास्थ्य शिविर सञ्चालन गरिएको छ,’ विष्टले भने, ‘दशैपछि यो कार्यक्रमलाई निरन्तरता दिइने छ ।’

अन्तरंग सहितको सेवा उपलब्ध गराउने गरि सञ्चालनमा ल्याइन लागेको चिकित्सालयमा पाँच जना चिकित्सक -डाक्टर_, प्राकृतिक चिकित्सक र होमियोप्याथिक एक/एक, कविराज चार, स्टाफ नर्स दुई, ल्याब, रेडियोग्राफर एक/एक र अन्य गरि ३५ जना कर्मचारीको दरबन्दी रहने भएपनि तत्कालका लागि भने ६ जना डाक्टर खटिएका छन् ।

‘अस्पताल सञ्चालनका लागि सवै व्यवस्थापन भइसकेको छ,’ निमित्त निर्देशक बमले भने, ‘तर सेवा ग्राहीलाई त्यबारेमा जानकारी छैन, अस्पतालले सेवा सञ्चालन गरेको बारेमा जानकारी दिन शिविर सञ्चालन गरिएको हो ।’

शिविरमा ६ जना आयुवेदिक डाक्टरले स्वास्थ्य परिक्षण गराएका थिए । स्वास्थ्य शिविरमा सेवा लग्न आएका नागरिकलाई निशुल्क ल्याव परिक्षण र औषधी वितरण गरिएको उनले बताए ।