नवजीवन अस्पतालले पायो पिसियल नर्सिङ्ग अध्यापनको अनुमति

धनगढी । धनगढी स्थित नवजीवन अस्पतालले पिसियल नर्सिङ कक्षा सञ्चालनको अनुमति पाएको छ ।

नेपाल सरकारले १ सय शय्याको अस्पताललाई मात्रै पिएसएल नर्सिङ कक्षा सञ्चालनको अनुमति दिने निर्णय गरेपछि पछिल्लो दुई बर्ष यता सुदूरपश्चिमका कुनैपनि संस्थाले पिसियल नसिंङ कक्षा सञ्चालन गर्न पाएका थिएनन् ।

नवजीवन अस्पताललाई स्वास्थ्य सेवा विभागले एक शय शय्याको अस्पताल सञ्चालनको अनुमति दिएको हो । सो अनुमति संगै नवजीवन अस्पतालले ४० जना सम्मको नर्सिङ कक्षा सञ्चालन गर्ने अनुमति समेत पाएको अस्पताल व्यवस्थापन समितिका अध्यक्ष यज्ञराज ढुंगानाले बताए ।

२०६२ फागुन ११ गतेबाट १५ शय्यामा सञ्चालन गरिएको अस्पताल २०६८ सालबाट ५० शय्यामा सञ्चालन भएको थियो ।

४० जना विद्यार्थीलाई पि.सि.एल नर्सिङ अध्यापनका लागि अनुमति पाएको ढुंगानाले बताए । उनले सिटीइभिटी र राष्ट्रिय चिकित्सा आयोगले अध्यापनका लागि अनुमति दिएको बताए। अस्तापलले चार जना विद्यार्थीलाई निःशुल्क नर्सिङ अध्यापन गराउनुपर्नेछ ।

नवजीवन अस्पतालले स्वास्थ्यका कार्यक्रम, सुत्केरी सेवा लगायत  सरकारले सञ्चालन गरेका सामाजिक स्वास्थ्य कार्यक्रम पनि सञ्चालन गर्दै आएको छ ।

अध्यक्ष ढुंगानाका अनुसार अस्पतालमा सिटी स्क्यान मेसिन तत्कालै सञ्चालन गर्ने तयारी गरिएको छ, भने निकट भविश्यमै एम.आर.आई मेसिन समेत जडान गर्ने तयारी भइरहेको छ ।