छलफल पछि उचित निर्णय गर्छु : रावल

धनगढी । नेकपा एमालेका नेता भीम बहादुर रावलले पार्टीको निर्णय पछि आफु गहन छलफलमा जुटेको जनाएका छन् । प्रतिनिधिसभा सदस्य उम्मेदवारमा उनी अछाम–१ बाट सर्वसम्मत सिफारिस भएका थिए ।

तर एमालेले भने सिफारिस नै नभएका झपट बोहरालाई उम्मेदवार बनाउने निर्णय गरेको छ । रावलले टिकट नपाएको भन्दै एमालेको अछाम–१ का क्षेत्रीय संयोजक प्रकाश शाह र ठूलो संख्याका जिल्ला नेताहरुले एमाले छोडेको घोषणा गरेका छन् ।

रावलले भने पार्टीले टिकट नदिएको अवस्थामा कसरी अगाडि बढ्ने भन्नेबारे गहन अध्ययनमा रहेको बताए । ‘अहिले म गहन अध्ययनमा छु, उनले भने, ‘त्यसपछि उचित निर्णय लिन्छु ।’