कञ्चनपुरमा नेकपा एसले गठबन्धन संग मित्रवत प्रतिष्पर्धा गर्ने

धनगढी । कञ्चनपुमा शत्तारुढ गठबन्धनबाट बाहिरिने निर्णय गरेको नेकपा एकीकृत समाजवादीले प्रदेश सभामा मित्रवत प्रतिष्पर्धा गर्दै आफ्ना उम्मेदवारलाई प्रतिष्पर्धामा उत्रार्ने भएको छ ।

प्रतिनीधि सभाका तीन र प्रदेश सभाका ६ निर्वाचन क्षेत्रमध्ये एउटा पनि सीट नपाएपछि सत्तारुढ गठबन्धनबाट एकीकृत समाजवादी बाहिरिएको छ ।

गठबन्धनमा दाबी रहेको प्रदेश सभा निर्वाचन क्षेत्र नम्बर २-ख_ र ३-क_मा एकीकृत समाजवादीले उम्मेदवारी दिने भएको छ । सत्तारुढ गठबन्धनमा एकीकृत समाजवादीबाट टिकट नपाएपछि सुदूरपश्चिम प्रदेशका आर्थिक मामिलामन्त्री प्रकाश रावल र पूर्व सामाजिक विकासमन्त्री लालबहादुर खड्का गठबन्धन विरुद्ध बागि उम्मेदवार बन्ने भएका छन् ।

रावल क्षेत्र नम्बर ३-क_ र खड्का क्षेत्र नम्बर २-ख_ मा चुनाव लड्ने छन् । ‘गठबन्धनबाट कञ्चनपुरमा एउटा सीट पाएनौँ, हाम्रो दाबी रहेको क्षेत्रमा उम्मेदवारी दिन्छौँ,’ आर्थिक मामिलामन्त्री रावलले भने, ‘कांग्रेस र माओवादीसंग मित्रवत् प्रतिस्पर्धा हुन्छ ।’

सत्तारुढ गठबन्धनमा एकीकृत समाजवादीले ३(क) र ३-ख_ मा अन्तिमसम्म दाबी गरेको थियो । प्रदेश सभा ३-क_ मा सत्तारुढ गठबन्धनबाट माओवादीका संविधानसभा सदस्य टेकेन्द्रप्रसाद भट्ट र २ -ख_ मा कांग्रेसका नेता पुर्व संविधान सभा सदस्य बहादुरसिंह थापाले टिकट पाएका छन् ।