धनगढी उपमहानगरपालिकामा संक्रमित संख्या ८५ जना, १४ जनामा संक्रमण दोहोरियो

धनगढी

   धनगढी उपमहानगरपालिकामा कोरोना संक्रमितको संख्या ८५ पुगेको छ ।सेती प्रादेशिक अस्पतालमा गरिएको परिक्षणमा सोमबार सात जनामा कोरोना संक्रमण पुष्टि भएको थियो ।

 धनगढी उपमहागरपालिकाले परिक्षणका लागि आइतबार सेती प्रादेशिक  अस्पतालमा पठाएका स्वाब मध्यकै  सात जनमा सोमबार कोरोना संक्रमण पुष्टि भएको हो । संक्रमण पुष्टि हुनेमा  वडा नम्बर २ का १ जना, वडा नम्बर ३ का १ जना, वडा नम्बर ७ का १ जना, वडा नम्बर १२ का २ जना र वडा नम्बर १४ का २ जना रहेका छन् ।  

 धनगढी उपमहानगरपालिका स्वास्थ्य महाशाखाका स्वास्थ्य निरीक्षक लक्ष्मी राज उपाध्यायले सेती प्रादेशिक अस्पतालमा पठाएका स्वाम मध्य  ७ जनामा नयाँ संक्रमण देखिएको र १४ जनामा संक्रमण दोहोरिएको बताए ।

  संक्रमण दोहोरिनेहरु होम आइसोलेसन र नगरपालिकाको  आइसोलेसनमा बसिरहेकाहरु रहेका छन् ।