नयाँ भुमिकाको खोजीमा छु : ओझा

धनगढी । कैलाली क्षेत्र नम्बर ५ मा स्वतन्त्रबाट उम्मेदवार बनेका पुष्करनाथ ओझाले नयाँ भुमिकाको खोजीमा आफु रहेको बताएका छन । आफु सबै भुमिकाबाट वञ्चित भएपछि नयाँ खोजीमा लागेको बताएका हुन् ।

‘मुलुकको राष्ट्रिय स्वतन्त्रता, क्षेत्रीय अखण्डता, नेपाली जनताको अधिकार सम्पन्न नागरिकका रुपमा मैले जनताका पक्षमा लडेको छु । पार्टीले दिएको भुमिकाका आधारमा मैले काम गरेको थिए’ उनले भने ‘अहिले मलाई सबै भुमिकाबाट वञ्चित गरियो । नयाँ भुमिकाको खोजीमा मैले स्वतन्त्रबाट चुनावमा भाग लिइरहेको छु ।’

उनले पार्टीलाई पारिवारिक बनाउन खोज्ने प्रवृतिप्रति सबैले लाग्नुपर्ने बताए । ‘पार्टीहरु भनेको जनताको सम्पति हो । दुई–चार वर्ष कुनै राजनीतिक दलको प्रमुख हुँदैमा जनताको सम्पतिलाई पारिवारिक सम्पतिका रुपमा दुरुपयोग गर्न पाईदैन’ उनले भने –‘यस्ता प्रवृति विरुद्ध सबै नागरिक सचेत हुनुपर्छ ।’

उनले आफुले निष्ठाको राजनीति गरेको र त्यसै अनुसार जनताले बुझेको बताए । उनले भने ‘मलाई थुप्रै पार्टीका प्रमुखहरुले उम्मेदवार बन्न भने तर म त्यसमा लागेन । म आस्थाका लागि बाच्ने नेपाली हुँ र त्यसैका लागि पार्टी विपरित गएको हु ।’