लक्ष्मीनारायण मन्दिरका भवनमा लगाइयो डोजर

धनगढी । सडक चौडा पार्नका लागि मुख्य बजार क्षेत्रमा भवन खालि गर्ने योजना अन्तरगत धनगढी उप महानगरपालिकाले लक्ष्मीनारायण मन्दिरको भवनमा पनि डोजर लगाएको छ ।

-धनगढीको मुख्य सडक कैलाली पुल देखि क्याम्पसरोड_ सम्मको सडक ३० मिटर चौडा बनाउने योजना सहित उप महानगरले सो क्षेत्र भित्र पर्ने संरचना हटाउन भदौ १३ गते सूचना जारी गरेको थियो । तोकेको समयमा संरचना नहटाएपछि उप महानगरले कार्तिक १६ गते देखि आफै डोजर लगाएर सडकको ३० मिटर क्षेत्र भित्र पर्ने संरचना हटाउन थालेको छ ।

पहिलो चरणमा सरकारी भवन, संस्थागत भवन र गुठिका भवन भत्काउन सुरु गरेको उप महानगरले त्यसपछि निजी भवन पनि भत्काउने योजना रहेको जनाएको छ ।

बुधबार सेती प्रादेशिक अस्पतालका भवन भत्काउने क्रममा धनगढीका नगरप्रमुख गोपाल हमालले सरकारी भवन भत्काउदा सम्म नीजि भवनमा रहेका व्यवसाय खाली गरी भवन भत्काउने समय रहेको बताए । तर त्यती सम्म पनि भवन खाली नभए उप महानगरपालिका ती संरचना खालि गर्न बाध्य हुने उनले बताए ।