आज राति देखि सीमा नाका बन्द हुने

धनगढी । निर्वाचनलाई ध्यानमा राखेर सरकारले आज राति देखि अन्तराष्ट्रिय सीमा नाका बन्द गर्ने छ । आज राति १२ बजे देखि बन्द हुने सीमा नाका मंसिर ४ गते राति १२ बजे बाट सुचारु हुने छन् ।

आइतबार हुने प्रतिनिधि तथा  प्रदेश सभा निर्वाचनलाई स्वतन्त्र, निष्पक्ष, शान्तिपूर्ण एवं भयरहित बतावरणमा सम्पन्न गर्नका लागि सरकारले सीमा नाका बन्द गर्न लागेको हो ।

आज राति देखि भारत संग जोडिएका कैलाली, कञ्चनपुर, बैतडी, दार्चुला र डडेल्धुराका सीमा नाका तथा चिन संग समिाना जोडिएका दार्चुला र बझाङका सीमा नाका बन्द हुने छन् ।

अन्तर्राष्ट्रिय नियम अनुसार चुनावको समयमा सीमा नाका बन्द हुने कैलालीका प्रमुख जिल्ला अधिकारी किरण थापाले बताए ।

चुनावको अवधिमा पूर्ण रुपमा आवतजावत बन्द गरिने उनले बताए । निर्वाचनका वेला अन्तर्राष्ट्रिय सिमानामा सशस्त्र प्रहरीले गस्ती बढाउने छ ।