बाजुरा सदरमुकाममा सेना परिचालन

धनगढी । बाजुरा सदरमुकाम मार्तडीमा अवस्था विग्रन थालेपछि सेना परिचालन गरिएको छ ।

नेकपा एमाले निकट अनेरास्ववियु बाजुराले सदरमुकाम मार्तडी बजार बन्द गरेपछि सदरमुकामको अवस्था तनबग्रत बनेको छ । स्थितीलाई नियन्त्रणमा लग्न अहिले सेना परिचालन गरिएको जिल्ला प्रशासन कार्यालय बाजुराले जनाएको छ ।

एमाले निकट विद्यार्थी नेताहरुले बजारका गल्लीहरूमा टायर बालिरहेका छन् ।  उनीहरुले योजनावद्ध आन्दोलन गरेपछि सदरमुकाम मार्तडी तनावग्रस्त बनेको हो । बाजुरामा अनेरास्ववियुका केन्द्रीय सदस्य चेतन अएडीको हत्याको विषयलाई लिएर अनेरास्ववियुले आन्दोलन गरेको हो । बजारमा आन्दोलन चर्किएसँगै बाजुरा सदरमुकाममा नेपाली सेना नेपाल प्रहरी र ससस्त्र प्रहरी परिचालन गरिएको छ ।

आइतबार त्रिवेणी नगरपालिका–७ को नाट्यश्वरी आधारभूत विद्यालयमा मतदानको विवादलाई लिएर नेपाली काँग्रेसका कार्यकर्ताले चेतन अयडीको घरमै गएर कुटपिट गरेर मृत्यु भएको छ । अयडीलाई उपचारका लागि अछामको बयलपाटा अस्पतालमा लगिएको थियो ।

तर, अस्पताल पुगाउने बित्तिकै अयडीको चिकित्सकले मृत्यु भएको घोषणा गरेका थिए । आइतबार नै त्रिवेणि नगरपालिका स्थित नाट्यश्वरी आधारभूत विद्यालयको मतदान केन्द्रमा विवाद भएपनि स्थिती नियन्त्रणमा लग्न प्रहरीले चलाएको गोलि लागेर स्थानीय सुरेन्द्र अयडीको मृत्यु भएको थियो ।