सशस्त्र प्रहरी नायब निरीक्षक जेठाराद्वारा थलारा गाउँपालिकालाई जग्गा दान

 धनगढी

 सशस्त्र प्रहरी नायब निरीक्षक पदम बहादुर जेठाराले बझाङ जिल्लाको थलारा गाउँपालिकाको भवन निर्माणका लागि छ रोपनी जग्गा दान गरेका छन् ।

 थलारा गाउपालिका वडा नम्बर ५ स्थायी घर भएका सशस्त्र प्रहरी नायब निरीक्षक  जेठाराले आफ्ना  पिता स्वर्गीय चन्द्र बहादुर जेठारा र आमा कमला देवि जेठाराको स्मृतिमा थलारा गाउपालिका ८ सेठीधारामा रहेको १५ लाख मुल्य बराबरको जग्गा दान गरेका हुन् ।

  जेठारा हाल  कोहलपुर राजस्व चुहावट नियन्त्रण गुल्ममा कार्यरत छन् ।  

 जेठाराले गत वर्ष थलारा गाउँपालिका ५ स्थित १ रोपनी जग्गा स्थानीय ग्यालेक्सी स्पोर्ट्स क्लबलाई क्लब भवन निर्माणका लागि दान गरेका थिए ।