कैलाली–५ को ख मा प्रकाश देउवा निर्वाचित

धनगढी । कैलाली निर्वाचन क्षेत्र नम्बर ५ को प्रदेश सभा ख मा  नेपाली कांग्रेसका प्रकाशबहादुर देउवा निर्वाचित भएका छन् । प्रतिद्वन्दि नेकपा एमालेका दुर्गाप्रसाद जोशीलाई तीन हजार दुई सय ४० मतको अन्तरले पराजित गर्दै देउवा निर्वाचित भएका हुन् ।

सत्तारुढ गठबन्धनका साझा उम्मेदवार देउवा ९ हजार ५ सय ९१ मत ल्याउँदै निर्वाचित भएका हुन् भने, उनका प्रतिद्वन्दि नेकपा एमालेका उम्मेदवार दुर्गा जोशीले ६ हजार ३ सय ५१ मत प्राप्त गरे ।

यसैगरी नागरिक उन्मुक्ति पार्टीका गोठु चौधरीले ४ हजार ३ सय ५८ मत ल्याए भने राष्ट्रिय प्रजातन्त्र पार्टीका शिवराज भण्डारीले ३ हजार ४ सय २२ र कांग्रेसबाट बागी उम्मेदवारी दिएका क्षितिज भण्डारीले ३ हजार १ सय ८२ मत प्राप्त गरे ।