विद्यार्थी मृत्यु प्रकरणमा संयम अपनाउन प्रदेश सभा सदस्य देउवाको अपिल

धनगढी । बिहीबार पञ्चोदय माविमा अध्ययन रत बालिकाको ग्रेडरले च्यापरे मृत्यु भएपछि चर्केको आन्दोलनलाई शान्तिपुर्ण बनाउन र वार्ता तथा संबादलाई प्राथमिकता दिन सुदूरपश्चिम प्रदेश सभा सदस्य प्रकाश देउवाले आग्रह गरेका छन् ।

हिंसात्मक आन्दोलन मात्रै समस्याको समाधान नहुने बताउँदै उदेवाले वार्ता र छलफलका माध्यामबाट उपयुक्त निश्कर्षमा पुग्न आग्रह गरेका हुन् ।

साथै घटनाका दोषिलाई कडा कारवाही गर्न उनले प्रशासनलाई आग्रह गरेका छन् । मृतकका आफन्तलाई उचित क्षेतिपुर्ति सहति दोषिलाई कारवाही गरिनुपर्नेमा उनले जोड दिएका हुन् ।

शुक्रबार विज्ञप्ति जारी गर्दै देउवाले भनेका छन्, ‘आन्दोलन रत पक्षलाई संयमितता अपनाउन र वार्तामा आउन आग्रह गर्दछु, तर दोषिलाई कारवाही गर्ने सवाल र आफन्लाई क्षेतिपुर्ति उपलब्ध गराउने सवालमा म सधै मृतकका आफन्तलाई साथ र सहयोग गर्न तयार रहने छु ।’