बाजुरामा पुनः मत गणना सुरु

धनगढी । बाजुरामा संघ र प्रदेशको मतगणना पुन सुचारु भएको छ । प्रतिनिधि सभा तर्फ शुक्रबार बिहान बढी मत भेटिएको भन्दै नेकपा एमालले बिरोध जनाएको थियो ।

त्यसैगरी प्रदेश सभा तफृ शुक्रबार दिउँसो बाट गणना स्थगित भएको थियो । दलहरुको सहमति पछि दुबै मतगणना शुक्रबार वेलुका देखि सुचारु भएको मुख्य निर्वाचन अधिकृतको कार्यलय बाजुराले जनाएको छ ।

राजनितिक दल सँगको सहकार्यमा रोकिएको मतगणना सुचारु भएको निर्वाचन अधिकृतको कार्यलयले जनाएको छ । हिमाली गाउँपालिका ६ धिममा भने मुचुल्का भन्दा ३० मत बढी आएपछि विवाद भएको थियो । संघ तर्फ नेकपा एमालेले बिरोध जनाएको थियो ।

प्रदेश सभा ख प्रदेशको मतगणनामा बुढिगंगा ३ को मतदान केन्द्रमा मुचुल्कामा ३ सय ५० रहेको थियो, तर यहाँ कर्मचारीले कम्पुटरमा इन्ट्रि गर्दा २ सय ५० भएको पाइएपछि विवाद भएको थियो । सहमति पछि पुन मतगणना शुरु गरिएको हो ।