अनेरास्ववियुद्वारा बाजुरामा यातायात सेवा बन्द

धनगढी । अनेरास्ववियुले बाजुरामा अनिश्चत कालकालिाग यातायात सेवा बन्द गरेको छ ।

कामंसिर ४ गते राति कुटपिट गरी हत्या गरिएका अनेरास्ववियुका केन्द्रिय कमिटि सचिवालय सदस्य चेतन अयडि प्रकरणमा छानविन नगरिएको भन्दै अनेरास्ववियु अनिश्चित कालका लागि यातायात सेवा बन्द गर्ने घोषणा गरेको हो ।

शनिबार अनेरास्ववियु बाजुराले विज्ञप्ति जारी गर्दै हत्या प्रकरणमा संलग्नके पहिचार गरी कारवाही नगरिएसम्म यातायात सेवा बन्द गर्ने घोषणा गरेका हो । अनेरास्ववियुले शनिबार ४ बजेबाट लागु हुने गरि यातायात बन्दको घोषणा गरिएको अनेरास्ववियुका सचिवालय सदस्य लक्ष्मण रोकायाले बताएका छन ।

अनेरास्ववियु केन्द्रीय कमिटी सचिवालय सदस्य चेतन अयडीका हत्यारालाई एक महिना बित्नै लाग्दा समेत प्रहरीले पक्राउ गर्न लापरवाही गरेको भन्दै अनिश्चितकालका लागी यातायत सेवा बन्द गर्न लागेको सदस्य रोकायाले बताएका छन ।

बिद्यार्थी नेता चेतन अयडीको न्यायको लागी आन्दोलन जारी रहने पनि अनेरास्ववियु बाजुराले जनाएको छ । साथै उक्त न्यायको आन्दोलनमा सम्पूर्ण जिल्ला बासीहरुले सहयोग गरि दिन पनि अनेरास्ववियु बाजुराले अनुरोध गरेको छ ।