९ किलो चरेश सहित बझाङका युवक अत्तरियाबाट पक्राउ

धनगढी । कैलाली बाट ९ किलो चरेश सहित बझाङका एक युबकलाई प्रहरीले पक्राउ गरेको छ ।  जिल्ला प्रहरी कार्यालय कैलालीका अनुसार कैलालिको गोदावरी नगरपालिका स्थत अत्तरिया बस्पार्क नजिकै  होटेलमा बसेका बझाङको दुर्गाथलि गाउपालिकाका यमराज दौल्याल पक्राउ परेका हुन् । बस्पार्क स्थित नबिन होटलबाट उनलाई पक्राउ गरिएको जिल्ला प्रहरी कार्यालय कैलालिका प्रबक्ता प्रहरी नायव उपरिक्षक वेदप्रकाश जोशीले बताए ।

प्रहरीका अनुसार ३६ बर्षिया दौल्याललाई होटेलको १०१ नम्बर कोठाबाट सिभिल प्रहरीले पक्राउ गरेको हो । पक्राउ परेका दौत्यालको साथबाट चरेश जस्तो देखिने कालो बस्तु कट्टा सहित ९ किलो ३४० ग्राम बरामद गरिएको प्रहरीले जनाएको छ।