तराईमा हुस्सु कायमै, पहाडी क्षेत्रमा हल्का बर्षा र हिमपातको संभावना

धनगढी । तराईमा एक साता देखि लागेको हुस्सु आज पनि कायमै रहने जल तथा मौसम पूर्वानुमान महाशाखाले जनाएको छ ।
बर्षाको सम्भावना नरहेका कारण तराईमा हुस्सु कायमै रहने मौसमविदले जनाएका छन् । मौसमविद बरुण पौडेलका अनुसार बर्षा नभएसम्म तराईमा हुस्सु कायमै रहने अनुमान गरिएको छ । उनका अनुसार सुदूरपश्चिमका पहाडी क्षेत्रका केही स्थानमा भने हल्का बर्षाको सम्भावना रहेको छ ।

पश्चिम वायुको न्युन चापिय प्रभावका कारण पहाडी क्षेत्रका केही स्थानमा हलका बर्षाको सम्भावना रहको छ, भने उच्च पहाडी क्षेत्र र हिमाली क्षेत्रमा सामान्य हिमपात हुने अनुमान गरिएको उनले बताए ।