घरकै वातावरणमा पठनपाठन गराइन्छ : सिंह

मन्टेश्वरी भनेको केहो ?
मन्टेश्वरी भनेको यस्तो थलो हो जहाँ बच्चाको रुचि अनुसार शिक्षक क्रियाकलाप सञ्चालन गरिन्छ । जहाँ पाठ्यपुस्तक र शिक्षाको चाहनाबाट नभई बालबालिकाको रुचि अनुसार उनीहरुले चाहेका क्रियाकलापहरु सञ्चालन गरी सिकाईमा रुचि जगाउने काम हुन्छ ।

बालबालिकालाई मन्टेश्वरीमा किन पढाउने ?
मन्टेश्वरी स्कुलमा बालबालिकालाई घरकै वातावरण जसरी राखिने गरिन्छ । बालबालिकाको पहिलो पाठशाला घर हो भने दोश्रो पाठशाला विद्यालय हो । मन्टेश्वरीमा बालबालिकालाई पहिलो पाठशाला अथवा घरकै वातावरणमा पठनपाठन गराइने गरिन्छ । 
पारिवारिक वातावरण हुने हुँदा बालबालिकालाई मन्टेश्वरीमा पढाउदा मानसिक असर पनि हुँदैन ।
तपाईको विद्यालयमा के कस्ता सुविधा छन् ?
बालबालिकालाई समय अनुसारको वातावरण सिर्जना गरी उनीहरुले चाहे अनुसार खेल्ने वातावरण हाम्रो विद्यालयमा रहेको छ । बालिबालिकालाई स्कुल आउन जान आरामदायी भ्यानको व्यवस्था छ । स्कुलमा राखिएका खेल सामाग्रीका कारण बालबालिकालाई कुनै बोरिङ भएको पाइदैन । त्यसबाहेक बालबालिकाको स्वास्थ्यलाई मध्यनजर गर्दै योग कार्यक्रम सञ्चालन गर्ने गरेका छौं । मासिक रुपमा बालबालिकालाई बाह्य वातावरणमा घुमाउने गरेका छौं ।
त्यसले बालिबालिकाले बाह्य वातावरणका बारेमा पनि जानकारी पाउने र बाहिर देखेका कुरा व्यवहारमा उतार्ने प्रयत्न गर्ने गरेका छन् ।
त्यसका अलावा गर्मीमा सितलता प्रदानका लागि एसीको व्यवस्था छ, भने चिसोमा न्यानो बनाउन हिटर र तातो पानीको व्यवस्था गरिएको छ । विद्यालय भित्र बालबालिकाको इच्छा अनुसारकै खेल सामाग्री उपलब्ध गराउने गरेका छौं । 
विद्यालयमा कार्यरत शिक्षका पनि मन्टेश्वरी तालिम प्राप्त र अनुभवी छन् ।