सुदुरपश्चिममा देउवा र शाही मन्त्री नियुक्त

धनगढी ।  सदुरपश्चिमका   मुख्यमन्त्री कमल बहादुर शाहले  तीन सदस्यीय मन्त्रीमण्डल निर्माण गरेका छन् ।  शपथ ग्रहणको लगत्तै मुख्यमन्त्री शाहले प्रकाश देउवा र नरेश बहादुर शाहीलाई मन्त्रीमा नियुक्त गरेका हुन् ।

नेपाली कांग्रेसका देउवालाई भौतिक पुर्वाधार तथा बिकास मन्त्री र नेकपा एसका शाहीलाई आर्थिक मामिला तथा योजना मन्त्रीमा नियुक्त गरेका हुन् ।

आर्थिक र भौतिक बाहेकका मन्त्रालयको जिम्मेवारी मुख्यमन्त्री शाहले  आफुसँग नै राखेका छन् ।

राजेन्द्र सिंह रावलले बिश्वासको मत लिन नसकेपछि सुदुरपश्चिम प्रदेश प्रमुख देवराज जोशीले सुदुरपश्चिम प्रदेश सभामा नेपाली कांग्रेस संसदिय दलका नेता कमल बहादुर शाहलाई मुख्यमन्त्रीमा नियुक्त गरेका हुन् ।