छैठौ प्याब्सन फेस्टिबल र क्रिकेट प्रतियोगिता सँचालन हुदै

धनगढी ।  निजी तथा आवासीय बिद्यालय अर्गनाइजेशन नेपाल (प्याब्सन) धनगढी नगर कमिटीको आयोजनामा छैठौ प्याब्सन धनगढी फेस्टिबल  तथा चौथो प्याब्सन धनगढी क्रिकेट कप २०७९ धनगढीमा  सँचालन हुने भएको छ ।

बिद्यालय स्तरबाट नै खेलकुदको बिकास गर्नका लागि प्याब्सन फेस्टिबल र क्रिकेट प्रतियोगिता आयोजना गर्न लागिएको प्याब्सनले जनाएको छ ।

फेस्टिबल र क्रिकेटमा गरि धनगढीका ३० संस्थागत र २ सामुदाियक गरि ३२ बिद्यालयको सहभागिता रहने प्याब्सन धनगढीका उपाध्यक्ष ध्रुव सिंहले बताए ।

धनगढीमा खेलकुद तथा क्रिकेटको चहलपहल बढाउन, युवाहरुलाई खेलप्रति उत्प्रेरित गर्न, सुदुरपश्चिमलाई खेलका माध्यमबाट देशभरि चिनाउन फेस्टिबल आयोजना गर्न लागिएको शुक्रवार धनगढीमा आयोजित पत्रकार सम्मेलनमा प्याब्सन धनगढीका अध्यक्ष नरेन्द्र बहादुर सिंहले बताए

फेस्टिबलका इन्डोर खेलहरु रंगशाला फागुन ६ र ७ गते हुनेछन् भने आउटडोर प्रतियोगिताहरु बिभिन्न बिद्यालयमा संचालन हुनेछन् । क्रिकेटका खेलहरु फाप्ला क्रिकेट मैदानमा फागुन ९ देखि संचालन हुने  प्याब्सनद्धारा शुक्रवार आयोजित पत्रकार सम्मेलनमा सचिव  लोकराज पन्तले बताए ।

फेस्टिबलको सुदुरपश्चिमाञ्चल खेलकुद परिषद मुख्य प्रायोजक,  धनगढी उपमहानगरपालिका, ओसन पब्लिकेसन र सुदुरपश्चिमाञ्चल क्याम्पस सहप्रायोजक रहेका छन् । क्रिकेट प्रतियोगिताको  बिजेतालाई १ लाख १ हजार १ शय ११ र  दितीय हुनेलाई ५१ हजार १ शय ११ नगद पुरस्कार रहेको छ ।  उत्कृष्ट खेलाडी पुरस्कार १० हजार, उत्कृष्ट बलर ५ हजार, उदयमान खेलाडी ५ हजार, म्यान अफ द म्याच १ हजार प्रदान गरिने सचिव पन्तले बताए । कार्यक्रमको संचालन दिनेश खत्रीले गरेका थिए ।