वेष्टर्न क्रिष्टको एकेडेमीको १३ औँ वार्षिक उत्सव सम्पन्न

धनगढी पोष्ट

आइतबार, १४ फागुन २०७९ मा प्रकाशित

धनगढी । धनगढी–३ स्थित वेष्टर्न क्रिष्टल एकेडेमीको १३ औँ वार्षिक उत्सव तथा अभिभावक दिवस कार्यक्रम विविध कार्यक्रम गर्दै समापन भएको छ ।

सुदूरपश्चिम प्रदेश सरकारका पूर्व मन्त्री दीर्घ सोडारीको प्रमुख आथित्यतामा १३ औँ वार्षिक उत्सव तथा अभिभावक दिवस मनाएको हो । प्रमुख अतिथी रहेका सोडारीले सुदूरपश्चिमलाई आवश्यक पर्ने प्राबिधिक जनशक्ति उत्पान गर्न नीजि शैक्षिक संस्थाको अहम भुमिका हुने बताए ।

सरकारी विद्यालयमा निजीको तुलानामा धेरै सेवा सुविधा रहेको भएपनि शिक्षामा सोचे अनुसारको परिणाम आउन नसकेको बताउँदै उनले सरकारीको तुलनामा नीजि शैक्षिक संस्थाले शिक्षा क्षेत्रमा राम्रो काम गरेको बताए ।

‘नीजि शैक्षिक संस्थाले धरै मेहनत गरेका छन्,’ सोडारीले भने, ‘जस्का कारण शिक्षाको परिणाम पनि राम्रो आएको छ ।’

सोडारीले प्रदेशको शैक्षिक विकासका लागि शिक्षा नीति राम्रो हुनु आवश्यक रहेको बताए ।

फरक प्रसंगमा बोल्दै नेता सोडारीले सुदूरपश्चिम प्रदेशमा कमल शाह नेतृत्वपमा बनेको सरकारले विश्वासको मत पाउने दावि गरे । अघिल्लो सरकार ५ बर्ष नै चलेको भन्दै मन्त्री सोडारीले यस पटक सुरुवातमा समस्या रहेपनि अव भने सरकार स्थिर हुने बताए ।

कार्यक्रममा विद्यालयकी प्रिन्सिपल उर्मिला कुँवरले विद्यालयको वार्षिक प्रतिवेदन समेत प्रस्तुत गरेकी थिइन् ।

२०६६ सालमा ३५ विद्यार्थीबाट सुरु गरेको विद्यालयले हाल हजारौँ विद्यार्थी प्राप्त गरेको उनले बताइन् । विद्यालयले संस्कारयुक्त विद्यार्थी, गुणस्तरीय शिक्षामा जोड दिँदै आएको उनको भनाई छ । विद्यालयले राज्यले निर्धारण गरेको भन्दा पनि बढी छात्रवृत्ति प्रदान गरिरहेको विद्यालयको दाबी छ ।

यस्तै सामाजिक उत्तरदायित्व अन्तर्गत विद्यालयले सरसफाइ वृक्षारोपण रक्तदान जस्ता क्रियाकलाप गरिरहेको जनाएको छ । वार्षिक उत्सवका अवसरमा विभिन्न सांस्कृतिक कार्यक्रमको समेत आयोजना गरिएको थियो । यस्तै विभिन्न विद्यार्थीलाई विभिन्न खेल तर्फका पुरस्कार समेत वितरण गरिएको थियो ।

बार्षिकोत्सव कार्यक्रममा बोल्दै पञ्चोदय माविका पुर्व प्रधानाध्यापक यादव जोशीले बालबालिकाको उज्वल भविश्य निर्माणका लागि विद्यालय संगै अभिभावक पनि जिम्मेवार हुनुपर्ने बताए ।

स्कुलमा शुल्क बझाएकैछु, अव बालबालिकाको भविश्य स्कुलले सुधारिदेला भन्ने मानसिकता हटाएर घरमा पनि बालबालिकाको ख्याल गर्न सकेमात्रै उनिहरुको भविश्य उज्वल हुने उनले बताए ।