किसान सहकारीको उद्यमशिलता विकास अभियान शुरु

कैलालीको लम्कीमा केन्द्रिय कार्यालय रहेको किसान बहुउद्देश्यीय सहकारी संस्थाले आप्mना सदस्यहरु लक्षित उद्यमशिलता विकास प्रशिक्षण अभियान शुरु गरेको छ । संस्थाले यस अभियान अन्तर्गत आप्mनो कार्यक्षेत्र भित्र कम्तीमा प्रति शाखा २० जनाका दरले उद्यमी तयार गर्ने योजना रहेको जनाएको छ ।

 संस्थाले पहिलो चरणमा २० शाखाका शाखा प्रमूखहरुलाई प्रशिक्षक प्रशिक्षण दिएको र दोस्रो चरणमा शाखा प्रमुख माफर्त सदस्यहरुलाई कृषि र गैर कृषि क्षेत्रमा उद्यमशिलता विकासका लागि तालिम दिने जनाएको छ ।

 स्वावलम्बन विकास केन्द्र काठमान्डौको पहलमा नेपालभरीका लघुवित्त संस्था र सहकारी संस्थाहरु गरी १८ वटा संस्थाहरु सँगको सहकार्यमा आगामी २ वर्ष भित्र मुलुकभर करीब ५ हजार सदस्यलाई उद्यमी बनाउने योजना अनुसार अभियान शुरु गरिएको स्वावलम्बन विकास केन्द्रका चन्द्रकान्त पण्डितले बताए ।

वि. सं. २०५२ सालमा स्थापित भई हाल सुदुरपश्चिम प्रदेश र लुम्बीनी प्रदेशको राजापुर नगरपालिका कार्यक्षेत्र रहेको किसान बहुउद्देश्यीय सहकारी संस्थामा ७८ हजार भन्दा बढी शेयर सदस्य, ४२ वटा शाखा र २८३ कर्मचारी रहेका छन् ।

 किसान सहकारी संस्थाको २०७९ फागुन मसान्त सम्मको वित्तिय विवरण अनुसार शेयर पुँजी ३८ करोड, कुल बचत ३ अर्ब ४ करोड, कुल सम्पत्ती ५ अर्ब ३० करोड, लगानीमा रहेको कर्जा ४ अर्ब २७ करोड रहेको छ । संस्थासँग लगानी योग्य रकम तरलता २३.७ प्रतिशत रहेको छ ।

 बहुउद्देश्यीय प्रकृतिको किसान सहकारीले हाल वित्तिय युनीट, कृषि युनीट र सहकारी पसल ( मार्ट ) यूनीट मार्फत सेवा प्रदान गर्दै आईरहेको छ ।