सुदुरपश्चिममा सरकार निर्माणमा जुट्यो सहमति, माओवादीलाई ३  र नागरिक उन्मुक्तिलाई १ मन्त्रालय

धनगढी  ।  सुदुरपश्चिम प्रदेश सरकारमा पावर शेयरिङका लागि दलहरुबीच सहमति जुटेको  छ ।   सुदुरपश्चिम प्रदेश सरकारमा नेकपा माओवादी केन्द्रबाट तीन मन्त्री र एक राज्य मन्त्री र नागरिक उन्मुक्ति पार्टीबाट एक मन्त्री र एक राज्यमन्त्री  बनाउने दलका शीर्ष नेताहरुबीच सहमति भएको छ ।

मुख्यमन्त्री कमल बहादुर शाहले नेकपा माओवादी  केन्द्रका नेता सहित सरकारमा रहेका  प्रमुख दलका नेताहरुसँग गरेको भेटको लगत्तै सरकार निर्माणका बारेमा सहमति जुटेको हो ।

नेपाली कांग्रेसका नेता कमल बहादुर शाहलाई मुख्यमन्त्री बनाउदा समर्थन गरे पनि माओवादी केन्द्र र नागरिक उन्मुक्ति पार्टी सरकारमा सहभागी भएका छैनन् ।  सुदुरपश्चिम सरकारमा नेपाली कांग्रेस र नेकपा समाजवादी पार्टी मात्र सहभागी रहेका छन् ।

शीर्ष नेताहरुका बीचमा नेपाली कांग्रेसबाट एक राज्यमन्त्री थप गर्ने सहमति पनि भएको छ ।

गत माघ २७ गत नेपाली कांग्र्रेस सुदुरपश्चिम प्रदेश सभा संसदिय दलका नेता कमल बहादुर शाह  मुख्यमन्त्रीमा नियुक्त भएका थिए । मुख्यमन्त्री शाहले तत्कालै नेपाली कांग्रेसका प्रकाश बहादुर देउवालाई भौतिक पुर्वाधार बिकास मन्त्री र  नेकपा एकीकृत समाजवादीका नरेश बहादुर शाहीलाई आर्थिक मामिला मन्त्रीमा नियुक्त गरेका थिए । 

सरकार निर्माणमा ढिलाई भएपछि मुख्यमन्त्री कमल बहादुर शाह नेकपा माओवादी केन्द्रका नेताहरु सहित काठमाण्डौं गएका थिए ।  मुख्यमन्त्री शाह र माओवादी संसदिय दलका नेता खगराज भट्ट सहितका  नेताहरुसँग काठमाण्डौं पुगेको टोलीले  नेपाली कांग्रेसका सभापति शेर बहादुर शाह र प्रधानमन्त्री एवम नेकपा माओवादी केन्द्रका अध्यक्ष पुष्पकमल दाहाललाई भेटेर सुदुरपश्चिममा सरकार निर्माणमा  चाडो निर्णय गर्न आग्रह गरेका थिए ।

सरकारमा रहेका दलहरुका बीचमा सहमति निर्माणमा भएको ढिलाईले सरकार गठन भएको तीन महिनापछि सुदुरपश्चिम प्रदेश सरकार पुर्णता पाउन  लागेको हो ।