वेहडाबाबा मन्दिरमा मनोमानी पार्किङ शुल्क

धनगढी । गंगा दशहरा मेलाका अवसरमा बेहडाबाबा मन्दिरको दर्शन गर्न भएका भक्तालु माथी सवारी पार्किङका नाममा चर्को शुल्क अशुली हुन थालेको छ ।

सवारी पार्किङको न्यूनतम शुल्क एक सय रुपैंया सम्म अशुल्न थालेपछि मन्दिर व्यवस्थापन समितिको चर्को बिरोध हुन थालेको छ ।

मंगलबार देखि सुरू भएको मेला भर्न सुदूरपश्चिम र भारतको उत्तर प्रदेशबाट ठुलो संख्यामा भक्तजन आउने गर्छन् । तर, मेला भर्न गएकाहरूबाट पार्किङको नाममा रकम असुल्ने काम भइरहेको सर्वसाधारणले गुनासो गरेका छन् । बेहडाबाबा दर्शन गर्न जानेबाट मन्दिर व्यवस्थापन समितिले पार्किङको नाममा चर्को असुली गर्न थालिएको हो ।

मन्दिर व्यवस्थापन समितिले मोटरसाइकल, स्कुटर पार्किङ गरेको एक सय, अटोरिक्सा पार्किङको दुई सय, ट्याक्टरको तीन सय, जिप र कारको दुई सय पचास र बस पार्किङ गरेको ४ सय ५० असुली गरिरहेका छन् ।

मन्दिर दर्शन गर्न जानेबात चर्को रकम असुली हुन थालेपछि यसको चौतर्फी बिरोध भएको छ । मन्दिर व्यवस्थान समितिले पार्किङ शुल्क घटाएर लिने बताएको छ । मन्दिर व्यवस्थापन समितिका अध्यक्ष पदमराज जोशीले मोटरसाइकल र स्कुटरको ६० रुपैयाँ र कार जिपको १२५ रुपैयाँ लिन निर्देशन दिएको बताए । त्यसबारेमा आफुले बुझ्ने काम भइरहेको उनले बताए ।