बेहडाबाबा मन्दिरमा दर्शनार्थिको घुईचो

धनगढी । गंगा दशहराका दिन लाग्ने बेहडाबाबा मन्दिरमा  दर्शनार्थिको घुईचो लागेको छ ।

हिन्दुहरुको आस्थाको केन्द्र रहेको बेहडाबाबा मन्दिरमा मन्दिरमा दर्शनका लागि दर्शनार्थिको घुँइचो लागेको मन्दिर व्यवस्थापन समितिका अध्यक्ष पदमराज जोशीले बताए ।

बिहानै देखि मन्दिरमा दर्शन गर्न आउनेको घुईचो लागेको थियो,’ जोशीले भने, ‘लाईन व्यवस्थापनका लागि ५० जना युवा सयंसेवक परिचालन गरेका थियौं ।

गंगा दशहराका अवसरमा बेहडाबाबा मन्दिर दर्शनका लागि कैलाली, कञ्चनपुर, बाँके बर्दिया सहति भारतबाट विभिन्न स्थानबाट हजारौंको संख्यमा भक्तालु आउने गर्द छन् । दशहराका अवसरका धनगढी उप महानगरपालिकाले मंगलबार सार्वजनिक विदा समेत दिएको थियो । दर्शनार्थिलाई मन्दिर सम्म पुग्न सहजताका लागि धनगढी उप महानगरले सडक मर्मत समेत गरेको थियो । कच्चि सडक भएको स्थानमा उप महानगरले ग्राभेल गरेर पानी पिच गरेको थियो ।

धनगढी उपमहानगरपालिका–१६ रामपुरस्थित बेहडा बाबामा हरेक वर्ष जेठ महिनाको शुक्लपक्ष दशमी तिथिका दिन गंगा दशहरा पूजा तथा धार्मिक मेला लाग्ने गर्दछ । मेला जेठ १९ गतेसम्म चल्ने छ ।

मेलालाई शान्त बनाउन बेहडा बाबा मन्दिर व्यवस्थापन सेवा समितिले दर्शनार्थी, आगन्तुक एंव धार्मिक पर्यटकहरुलाई लक्षित गरी शतर्कता बढाएको छ । समितिका अध्यक्ष जोशीका अनुसार मन्दिर तथा मेलाको सुरक्षाको लागि सशस्त्र प्रहरी र जनपथ प्रहरी परिचालन गरिनुको साथै स्वंयसेवक परिचालन गरिएका छन् ।

मेलामाखानेपानीको व्यवस्था गरिनुको साथै शौचालय, बस व्यवसायीहरुको सहकार्यमा धनगढीदेखि मन्दिरसम्म बस सञ्चालन गरिएको अध्यक्ष जोशीले बताए । मेलामा ६ सय बढी विभिन्न किसिमका व्यापारिक स्टल, बच्चा झुलालगायत राखिएका छन् । यस वर्ष करिब ५ लाख बढी दर्शनार्थी तथा आगन्तुकको जमघट हुने अनुमान समितिको छ ।