गेटा मेकिल प्रतिष्ठान बनाउने सरकारको निर्णय बिरुद्ध आन्दोलन

धनगढी । गेटा मेडिकल विश्व विद्यालय बनाउने निर्णय गरेको सरकारले आगामी आर्थिक बर्ष २०८०÷८१ को बजेटमा एक सय शैय्याको मेडिकल प्रतिष्ठान मात्रै बनाउने कार्यक्रम सार्वजनिक गरेपछि त्यस बिरुद्ध आन्दोलन सुरु भएको छ ।

माघ महिनामा प्रधानमन्त्री पुष्पकमल दहाल प्रचण्ड नेतृत्वको सरकारले मेटामा दशरथ चन्द मेडिकल विश्व विद्यालय बनाउने गरी मन्त्री परिषदबाट निर्णय गरेको थियो । तर दहाल नेतृत्वकै सरकारले आफ्नै निर्णय विपरित विश्व विद्यालयको सट्टा एक सय शैय्याको हुनेगरी मेडिकल प्रतिष्ठान मात्रै बनाउने गरी बजेट भाषण गरेपछि त्यस बिरुद्ध आन्दोलन थालिएको हो ।

आन्दोलनका क्रममा आज अत्तरियामा एक घण्टा चक्का जाम गरिएको शहिद दशरथ राष्ट्रिय स्वास्थ्य विज्ञान विश्वविद्यालय स्थापनार्थ संघर्ष समितिका संयोजक लोकराज पाण्डेय आगोले बताए ।

गेटामा मेडिकल विश्वविद्यालय बनाउन सरकारलाई बाध्य पार्ने गरी आन्दोलन गरिने उनले बताए । संघर्ष समितिले आजनै सुदूरपश्चिम प्रदेशका प्रदेश प्रमुख, मुख्यमन्त्री र प्रमुख जिल्ला अधिकारी मार्फत प्रधानमन्त्रीलाई ज्ञापनपत्र बुझाउने कार्यक्रम छ ।