सुदूरपश्चिमका आन्तरिक मामिला मन्त्री सिंह सवारी दुर्घटनामा परी घाइते

धनगढी । सुदूरपश्चिम प्रदेशका आन्तरिक मामिला मन्त्री पृथ्बी बहादुर सिंह सवारी दुर्घटनामा परी घाइते भएका छन् ।

मन्त्री सिंह सवार रहेको सु प्र प ०१००१झ ४८० न को गाडी बझाङको बागथलामा दुर्घटना भएको जिल्ला प्रहरी कार्यालय बझाङले जनाएको छ ।

जिल्ला प्रहरी कार्यालय बझाङका प्रमुख प्रहरी नायब उपरिक्षक जागेश्वरी भण्डारीका अनुसार सवारी दुर्घटनामा परी आन्तरिक मामिला मन्त्री सिंह सहित ५ जना घाइते भएका छन् । तर कस्लाई कति चोट लागेको छ भन्ने बारेमा भने एकिन जानकारी आइनसकेको उनले बताए ।

दुर्घटना पछि घाइते भएका मन्त्री ज्यु सहित पाँचै जनाको बझाङ स्थित देउरा प्राथमिक स्वास्थ्य केन्द्रमा उपचार भइरहेको भन्ने जानकारी आएको छ,’ प्रहरी प्रमुख भण्डारीले भने, ‘तर त्यहाँ फोन सम्पर्क हुन नसक्दा अहिले कति क्षेति भएको छ भन्ने एकिन विवरण आइसकेको छैन ।’