स्व. मन्त्री सिंह दम्पितिको बझाङमा अन्त्यष्टि गरियो

बझाङ । सवारी दुर्घटनामा परी स्वर्गारोहण भएका सुदूरपश्चिम प्रदेशका आन्तरिक मामिला तथा कानून मन्त्री पृथ्वीबहादुर सिंह र उनकी पत्नी अमृता सिंह तथा मन्त्री सिंहकी भाउजु जया सिहंको शनिबार सामुहित अन्त्यष्टि गरिएको छ ।

सवारी दुर्घटनामा परी घाइते भएका मन्त्री सिंहको उपचारका क्रममा कोहलपुर मेडिकल कलेजमा स्वर्गारोहण भएको थियो । मंगलबार निधन भएका मन्त्री सिंहलाई बुधबार सुदूरपश्चिम प्रदेशको राजधानी धनगढीमा प्रदेश सरकारले श्रद्धाञ्जली अपर्ण गरेको थियो । प्रेदेश सरकारमा मुख्यमन्त्री कमलबहादुर शाह सहित मन्त्रीले श्रद्धाञ्जली अपर्ण गरेसंगै बुधबारनै मन्त्री सिंहको पार्थिब शरीरलाई हेलिकोप्टर मार्फत बझाङ लगिएको थियो । तर स्व.मन्त्री सिहका कान्छा छोरा देश बाहिर रहेका र उनी नेपाल आएपछि मात्रै दाहसंस्कार गर्ने निर्णय भएसंगै स्व. मन्त्री सिंहको पार्थिब शरीरलाई जिल्ला अस्पताल बझाङको शव गृहमा राखिएको थियो ।