सडक क्षेत्रमा पर्ने घर स्वस्र्फत भत्काउने घर धनगढीलाई उप महानगरले गर्यो सम्मान

धनगढी । धनगढी उप महानगरपालिकाले कैलाली पुल देखि क्याम्पसरोड सम्मको सडक चौडा पार्ने कार्यमा सहयोग गर्ने घर धनिलाई सम्मान गरेको छ ।

सडक चौडा पार्दा सडकको क्षत्राधिकार भित्र पर्ने घर स्वस्फर्त भत्काएर सहयोग गर्ने ४ सय २८ जना घर धनिलाई उप महानगरपालिकाले मंगलबार सम्मान गरेको हो । ती घर धनिलाई सुदूरपश्चिम प्रदेश सरकारका भौतिक पूर्वाधार मन्त्री प्रकाश बहादुर देउवा र धनगढी उप महानगरपालिकाका मेयर गोपाल हमालले सम्मान गरेका हुन् ।

‘उप महानगरको सडक चौडा पर्नेकाममा दृढतापुर्वक साथ दिंदै सडकको क्षेत्र भित्र पर्ने घर स्वस्फुर्त भत्काएर यहाँका घर धनिले उदाहरणिय काम गरेका छन्,’ धनगढी उप महानगरपालिकाका मेयर गोपाल हमालले भने, ‘उहाँहरुलाई हामीले सम्मान गरेका छौं, यसले अन्य नागरिकलाई पनि सामाजिक क्षेत्रमा काम गर्ने हौसला मिल्ने छ ।’

साथै मंगलबारनै कैलाली पुल–क्याम्पसरोड सम्मको सडक निर्माणको सिलान्यास समेत गरिएको छ । सडक सिलान्यास कार्यक्रममा सुदूरपश्चिम प्रदेश सरकारका भौतिक पूर्वाधार मन्त्री प्रकाश बहादुर देउवा, उद्योय, पर्यटन, वन तथा वातावरण मन्त्री रमेश धामी, धनगढीका मेयर गोपाल हमाल, उप मेयर कन्दकला राना लगायतको सहभागिता रहेको थियो ।