कारागार भित्र लागु औषध लग्न खोज्ने एक जना पक्राउ

धनगढी । कैलाली कारागार भित्र लागु औषध लग्न खोज्ने एक जनालाई प्रहरीले पक्राउ गरेको छ ।

पक्राउ पर्नेमा धनगढी–३ स्थित किराना पसल सञ्चालन गरेर बस्दै आएका २५ बर्षिय भीम बोगटी रहेका छन् । उनी जबरजस्ती करणी मुद्दामा कारागार चलान भएका धनगढी–१ का  ३१ वर्षीय करन बमलाई भेट्न भनेर शुक्रबार कारागार पुगेका थिए ।

प्रहरीले उनले लगेको सामग्री चेकजाँच गर्दा १३ ग्राम लागुऔषध बरामद गरिएको जिल्ला प्रहरी कार्यालय कैलालीका प्रहरी निरिक्षक खगेन्द्र साउँदले बताए ।

बोगटीलाई चेकजाँच गर्दा स्याम्पुको डब्बाभित्र लागुऔषध फेला परेपछि पक्राउ गरिएको प्रहरीले जनाएको छ । उनलाई नियन्त्रणमा लिएर थप अनुसन्धान तथा आवश्यक कारवाहीका लागि जिल्ला प्रहरी कार्यालय कैलालीबाट लागुऔषध मुद्दामा म्याद थप गरी अनुसन्धान अघि बढाइएको छ ।