श्री एयरका सम्पूर्ण उडान एक दिनका लागि

धनगढी । श्री एयरलाइन्सले एक दिनका लागि आफ्ना सम्पूर्ण उडान स्थगित गरेको छ । शनिवार साढे तीन बजे काडमाण्डौंबाट धनगढीका लागि उठेको श्री एयरको विमानमा समस्या आएपछि आइतवारका सम्पूर्ण उडान स्थगित गरिएको कम्पनिले जनाएको छ ।

श्री एयरको उठान नम्बर २२५ को विमानमा शनिवार प्राविधिम समस्या आएकाले काठमाण्डौं फर्किएको थियो । एयरलाइन्सले प्रेस नोट सार्वजनिक गर्दै आइतवारका सम्पूर्ण उडान स्थगित गरिएको बताएको छ । आइतवार कम्पनीका सबै विमानको प्राविधिक परीक्षण गर्ने निर्णय भएको बताइएको छ ।

सोमवारदेखि भने सबै उडान नियमित हुनेछ । काठमाण्डौंबाट धनगढीका लागि उडेका श्री एयरको विमानमा पटक–पटक प्राविधिक समस्या आउने गरेको छ । सो घटनापछि एयरलाइन्सले सबै विमानको प्राविधिक परीक्षण गर्ने निर्णय लिएको श्री एयरलाइन्सले जनाएको छ ।