योग्यताले देउवा ५ पटक प्रधानमन्त्री बनेका हुन् : मन्त्री साउँद

धनगढी । परराष्ट्रमन्त्री तथा कांग्रेस केन्द्रीय सदस्य एनपी साउदले शेरबहादुर देउवा योग्यताले नै पाँच–पाँच पटक प्रधानमन्त्री भएको बताएका छन् । नेपाली कांग्रेस अछामद्वारा चौरपाटीमा आयोजित स्वागत तथा सम्मान कार्यक्रममा उनले भने,‘ धेरै मान्छेले देउवा भाग्यले ५ पटक प्रधानमन्त्री भएका हुन् भन्छन्, उहाँ भाग्यले प्रधानमन्त्री हुनुभएको होइन ।’

पाँच÷पाँच पटक कुनै पनि मान्छेलाई लट्री नपर्ने साउदको भनाइ छ । ‘तपाईं कसैलाई पाउनुहुन्छ ५ पटक लट्री परेको मान्छे रु कहिँ ५ पटक एकै मान्छेलाई लट्री पर्छ रु,’ उनको प्रश्न छ, ‘शेरबहादुर देउवा भाग्यले होइन, योग्यताले प्रधानमन्त्री हुनुभएको हो, पार्टीको विचारले हुनुभएको हो ।’ नेतामा योग्यता, पार्टीको विचार र चिन्तनले देउवा पाँच पटक प्रधानमन्त्री भएको उनले बताए । ‘किनभने यो पार्टी सबै पार्टीलाई सँगसँगै लैजान सक्ने पार्टी हो । अन्तराष्ट्रिय शक्तिलाई आश्वस्त र विश्वस्त पार्न सक्छौं ।’