अत्तरिया उद्योग बाणिज्य संघको नँया नेतृत्व चयन हुँदै

धनगढी । कैलालीको अत्तरिया उद्योग बाणिज्य संघको नयाँ नेतृत्व चयन हुँदैछ । नयाँ नेतृत्वका लागि दुई टिम चुनावि मैदानमा उत्रिएका छन् । निर्वाचन कार्यतालिका अनुसार आइतबार मतदाताको अन्तिम नामावली प्रकाशित र सोमबार उम्मेदवारी दर्ताको समय तोकिएको छ ।

यसअघि संघको नयाँ कार्यसमितिका लागि (अध्यक्ष)मिना देउवा प्यानलको घोषणा भइसकेको छ । उक्त प्यानलबाट बरिष्ठ उपाध्यक्षमा दलबहादुर खड्का, उपाध्यक्षमा फागुराम चौधरी र लक्ष्मण धामी, महासचिवमा अर्जुन खडका, सचिवमा हर्क विक, कोषाध्यक्षमा दिपकराज भट्ट रहेका छन् । यस्तै सदस्यहरुमा दिलबहादुर शाहु, बालकृष्ण ओझा, भरत बहादुर कोली र नवीन साउँद रहेका छन् । देउवा प्यानलले चुनावी प्रचारप्रसारलाई पनि अगाडी बढाइसकेको छ ।

संघको नयाँ नेतृत्वको लागि अर्को प्यानलबाट हालका बरिस्ठ उपाध्यक्ष कल्याण सिँह बोहराले आफ्नो टिम घोषणा गरेका छन् । सोमबार पत्रकार सम्मेलन को आयोजना गर्दै उनले टिम घोषणा गरेका हुन । उनको टिममा पुरानै को बाहुल्यता रहेको छ । जसको बरिस्ठ उपाध्यक्ष मा हालका महासचिव यज्ञराज जोशीलाई राखिएको छ । उक्त टिममा उपाध्यक्ष पदमा देबराज भट्ट र चेतराज पन्त रहेका छन् । यस्तै महासचिवमा शंकर खड्का, कोषाध्यक्षमा हेमराज भन्डारी र सचिबमा दिपिन कुमार साउँदलाई राखिएको छ ।