शिक्षक हत्यामा संलग्न श्रीमान श्रीमतिलाई सजाय तोकियो

धनगढी । बैतडीको पाटन नगरपालिका–६ स्थित श्रीकृष्ण माविका शिक्षक धनबहादुर विष्टको हत्या घटनामा संलग्न दम्पतीलाई जिल्ला अदालत बैतडीले जन्मकैदको फैसला सुनाएको छ ।

बैतडी जिल्ला अदालतका न्यायधीश जयानन्द पनेरुको इजलासले शिक्षक विष्टको हत्यामा संलग्न पुर्चौडी नगरपालिका–३ का २३ वर्षीय प्रजा बोहरा र उनकी २२ वर्षीया श्रीमती विमलालाई ६ वर्ष कैद सजाय सुनाएको हो । सुर्नया गाउँपालिका–२ घर भएका ५५ वर्षीय शिक्षक गत पुस २ गते श्रीकृष्ण माविको छात्रावास पछाडि मृतावस्थामा भेटिएका थिए । शिक्षकको हत्यामा संलग्न रहेको आरोपमा प्रहरीले बोहरा दम्पतीलाई नियन्त्रणमा लिएको थियो ।